نن ریاستی ڈھکوک ادارہ و پن ئنا صوبائی اسمبلی نا باسک آتے پاش پانہ کہ تینا گندہ غا کاریم تے یلہ کیر۔ نن سرپند مرینہ کہ دا وختا ہرا وڑ ریاست بلوچستان ئٹی ظلم و زوراکی نا بدترین مثیل جوڑ کننگ ءِ، بھاز زوت دا ظلم و زوراکی نا برخلاف السی سگ ایسر مرو و دا ظلم و زوراکی نا برخلاف لکھ آ بندغ آک کسر تیا پیشتمور و دا ظلم و زوراکی نا نظام ئے روتہ غان کشور خسور۔
پن ئنا صوبائی اسمبلی نا باسک آتیا نن پاش کینہ کہ ہرا وڑ اسہ سیٹ و منَہ مراعت کن نُم شاہ آن زیات شاہ ئنا وفادار جوڑ مننگ نا کوشست کننگ اُرے و تینا الس آ ظلم و زوراکی تا مخ تفی ئے کننگ اُرے، دا چاگڑدی ڈوہ ئنا بھرم ئٹی نُمے ہم دا چاگڑدی ردعمل تون مون تروئی تمو۔
