بی این ایم نیدرلینڈ نا پوسکنا کابینہ جوڑ کننگا، مہیم بلوچ صدر، دیدگ بلوچ جنرل سیکریٹری
بلوچ راجی زْرمبشت (بی این ایم) نا بنجاہی جارکش پارینے کہ نیدرلینڈ ہنکین کونسل نا مسٹمیکو دیوان آرگنائزر مہیم بلوچ نا بھلائی ٹی شہید فدا احمد بلوچ نا یات ئٹ اڈ تننگا۔
دیوان نا کماش بی این ایم نا چیئرمین ڈاکٹر نسیم بلوچ ہندن اعزازی مہمان حاجی نصیر بلوچ، عبدالغنی بلوچ و واحد بلوچ اسّہ۔
اسٹیج سیکریٹری نا زمہ واری تہ عالیہ بلوچ و کہور بلوچ پورو کریر۔
دیوان نا بِنا ٹی بلوچستان نا شہیداتا یات ئٹی اِرا منٹ ئنا چُپی مس۔ شہیداتہ سلام پاننگ آن پد بخشی بلوچ و عابد بلوچ راجی سوت ئے پاریر۔
دیوان ئٹی نیدرلینڈ ہنکین نا اِرا سال ئنا کاریم تا حوال و مالی حوال مون آ ہتنگا۔ اِرا سال ئنا حوال آن پد سوج و ورندی و تنقید کن نشست ئس مس۔
او پاریر کہ آرگنائزنگ باڈی نا وخت پورو مسّنے، پوسکنا کابینہ نا گچین کننگ کن حاجی نصیر بلوچ نا بھلائی ٹی ڈاکٹر لطیف بلوچ و نبیل بلوچ تون گچینکاری کمیٹی ئس جوڑ کننگا۔
کیئی اومیت واراک گچینکاری ٹی بشخ ہلکُہ و بھازا بشخ آتا وؤنٹ مس۔
گچینکاری ٹی نیدرلینڈ ہنکین نا صدر کن مہیم عبدالرحیم بلوچ، ڈپٹی جنرل سیکریٹری کن عالیہ بلوچ و فنانس سیکریٹری کن بہار بلوچ ویتہ مقابلہ آن گچین کننگار ہندن جنرل سیکریٹری و نائب صدر کن مقابلہ مس، ہراڑے دیدگ بلوچ جنرل سیکریٹری و وحید بلوچ نائب صدر گچین مسّہ۔
