بلوچ رہشون و بی این ایم نا مُسکوہی چئیرمین خلیل بلوچ چاگڑدی سائیٹ ایکس آ نوشتہ کرسا پارے کہ پاکستانی لشکر بہادر و دلیر انگا حوالکار عثمان خان نا اُرائے گھیرہ کرینے۔ عثمان خان مدام تینا زند ئنا پرواہ کپرسا آن بلوچ برانزی تہ توارئے جہان ئے سر کرینے۔ اونا بے باک و گواچن آ حوالکاری مدام راست ئے ودی کرینے۔
عثمان خان نا جرت و ہمت اونا بے خوف رپورٹنگ آن پاش ءِ، او ہر محاذ آ مظلوم آتا چیہانٹ، توار و ہر ظلم نا داستان ئے مون آ ہتنگ نا کوشست کرینے۔ اونا ہندا بے خوفی و ایمانداری پاکستانی ریاست نا نظر ئٹ پِت نا وڑ لگنگءِ ،اوڑتون مروکا سلوک قابل مذمتءِ، انتئے کہ دا نا بیرا اَسہ حوالکار ئسیا بلکہ آزاتی نا درشان آ جلہو ءِ۔
چئیرمین مُستی نوشتہ کرسا پارے کہ
نن عثمان خان تون اوارُن و اونا سلامتی کن دعا کینہ۔ حوالکاری و راستی نا علمبردار آتے توننگ نا کوشست ہچ وخت سرسہب مفرو، انتئے کہ راستی ہچ وخت توننگ مفک۔ نن پاکستانی لشکر نا دا حرکت نا سختی ئٹ مذمت کینہ و خواست کینہ کہ عثمان خان و اونا خاہوت ئے زوت پاکستانی زوراکی آن رکھیفنگ مرے۔
