پاکستانی فوج ئنا زوراکی نا برخلاف چابہار دے کیہلینگی بلوچستان ٹی پھگا یانزدہ بجہ آ بلک بازار ئٹی برانز نا پڑو کننگانے۔
چابہار ئٹی مخلوق آن خواست کننگانے کہ او چھار شنبے آ سُہب ئنا یانزدہ بجہ آ بلک بازار ئٹی مُچ مریر و ‘بلوچ راجی مُچی’ آ پاکستانی فوج ئنا جلہو نا برخلاف برانز کیر۔ درشان ئٹی پاننگانے کہ بلوچ مخلوق اوار مرسہ ڈاکٹر ماہ رنگ بلوچ، سمی بلوچ و ایلو انصاف خواہوک بلوچ آتیکن توار ہفّہ۔
درشان ئٹی دا ہم پاننگانے کہ برانز ئٹی اُلس گیشتر بشخ ہلے تاکہ پاکستان ئے سما تمّہ کہ دے کیہلینگی بلوچستان نا اُلس ہم پاکستان نا زوراکی نا برخلاف برانز کننگ ئٹی اے۔
گْوادر ٹی ‘بلوچ راجی مُچی’ آ پاکستانی فوج ئنا جلہو نا برخلاف گْوادر آن خُڑک چابہار و دشتیاری دے کیہلینگی بلوچستان آن کیئی بندغاک گْوادر نا مخلوق کن کُنوئی ءُ گِڑا ہفسہ پیشتمانُہ، ہندن ہزاراتا کچ بندغاک کمک کننگ خواہیرہ ولے گْوادر نا پلویڑ نا سوَب کننگ کپسہ۔
