304 دے ئنا برانز آن پد چمن نا لس مخلوق نا خواست آک مننگار، بارڈر آ مُتکنا نظام بحال کننگا۔
چمن برانزی و حکومت نا نیامٹی ثالث کڑدار ادا کروکا عنایت کاسی چمن برانزی تون اسٹیج آ ہیت کریسہ پارے مہ چمن آن اوغانستان کن ہِن و بر شناختی کارڈ و تذکرہ اینو بحال مرو، ننا خواست آک مننگانو۔
حوال آتا رد ئٹ حکومت و برانز ئنا سربراہ تہ نیامٹ اِسہ اصول ئسے آ سمجھوتہ مَننگءِ، بارڈر آن عام ہِن و بر کن میکانزم جوڑ کننگو، بندغ آتا روزگار تیکن ہم مُتکنا طریقہ کار آ ہِن و بر نا اجازت تننگ مرو۔
ایلو نیمہ آ مذاکرات نا سرسُہبی آن پد 5 جون آ پولیو ٹیم آ جلہو و کارسرکار نا اوار تمنگ آ ایف آئی آر ئٹی نوشتہ مروکا چمن برانز ئنا پنچ رہشون تے کوئٹہ کرائم برانچ آن آجو کننگانے ارا چمن پرلت اسٹیج آ ساڑی اسُر۔
برانزی رہشون تہ پاننگ ءِ کہ مذاکرات نا سرسُہبی آن پد چمن بارڈر آ کاروبار پدا بحال مرو و برانز ایسر کننگ نا پڑو ہم تننگ مسونے۔
