بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ بکوچ سرمچار آک کیچ ئنا عیلاقہ کولواہ ٹی قوضہ گیر پاکستانی لشکر نا اِرا موٹرسائیکل آ سوار ئنگا کارندہ تے ٹک کریر۔
او پارے کہ اینو 18 جولائی نا دے ئنا 3 بجہ آ رودکان کولواہ ٹی سرمچار آک قوضہ گیر پاکستانی لشکر نا اِرا موٹرسائیکل آ تے آ سوارئنگا کارندہ تے آ خودکار سلاہ تیٹ جلہو کریر ،جلہو ئٹی دشمن نا اسہ کارندہ ئس کھسک اسٹ ئس بھاز ٹپی مس ۔
اونا پاننگ اس کہ دا جلہو ہمو وخت آ کننگا ارا وخت دشمن فوج لوکل لاری تیٹ تینا راشن تے درِفنگ ئٹی اسک ۔
ترجمان پارے کہ شکست کنوک آ دشمن سرمچار آتا جلہو تا خلیس آن تینٹ راشن دننگ کپک دا کاریم کِہ لوکل لاری تے کارمرز کیک ۔
او پارے کہ نن لس مخلوق ئے لوکل لاری تا مالک و ڈرائیور آتے خبردار کینہ کہ او دشمن فوج ئنا دوئٹ استعمال مرِسہ تینا جنز (تحریک ) نا مونا مشکل مفس ۔ دا جنز ئٹی بلوچ راج بےحساب قربانی تسُنے ۔ ہرکس ہم دا جنز ئنا مونا مشکل جوڑ مننگ نا کوشست ءِ کرے و تینا جانی و مالی نسخان تا ذمہ وار تینٹ مروئے ۔
او ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و بلوچ سرزمین نا آجوئی اسکان سرمچار آتا جلہوک قوضہ گیر لشکر و اونا کمک کار آتے آ برجاء مرور ۔
