بلوچ وائس فار جسٹس فورم نا شنگ مروکا درشان ئٹی آواران آن زورئٹ بیگواہ مروک ڈاکٹر عبدالحئی بلوچ نا ایڑ بختاور بلوچ پارینے کہ کنا ایلم ئے یک جون اِرا ہزار بیست ءُ چھار آ ریاستی فوج ہلکس و بیگواہ کریسس، چِھل ءُ چھار دے مننگ آن پد ہم ننے اونا سما تمّنگ ئٹی اف۔
اونا پاننگ کہ ننے خبر اف کہ او اراڑیک اے، انت حال ئٹی اے و اودے اَرا ڈوہ ئٹی زورئٹ بیگواہ کریر۔ اگہ اوڑا دوبہ ئس ارے تو عدالت آ ہتنگہ۔
بختاور پارے کہ کنا ایلم سرکاری ملازم ئسے و او آواران ڈسٹرکٹ اسپتال ئٹی آپریٹنگ اسسٹنٹ اے۔ او کلینک آن زورئٹ بیگواہ کننگا و داسکان پھاش کننگتنے۔
گُڈی ٹی پارے ننا خواست ہندادے کہ کنا ایلم اگہ گڑاس کرینے تو اودے عدالت آ ہتریر اگہ بےگناہ اے تو زوت یلہ کننگہ۔
