کوئٹہ آن پولیس بی وائی سی نا کارندہ بیبگر بلوچ و فیضان ئے دزگیر کرینے۔
بلوچ یکجہتی کمیٹی نا پاننگ ئے کہ پولیس و انتظامیہ نا اسہ بے بندغی و بے قانودی عمل، دا وخت آ ننا سنگت بیبرگ بلوچ و فیضان بلوچ ئے پولیس عدالت آن دزگیر کرینے و سول لائن تھانہ آ درینے۔
او پاریر کہ بیبرگ بلوچ، بلوچ یکجہتی کمیٹی نا کارندہ ئسے و ظہیر بلوچ تون اوار تیبہ بلوچ بیگواہ مروکا تے کِن اسہ توار ئس مسُنے افک بلوچ الس و خاس وڑ ئٹ شال ئنا الس آن خواست کرِسہ پاننگ ءُ کہ او سیکٹریٹ چوک آن دھرنا گاہ آ تینے سر کیر بیبگر بلوچ و ایلو سنگت آتا آجوئی کِن توار چست کیر۔
یات مرے کہ تدوکا دے بیگواہ مروکا ظہیر احمد کِن اسہ ریلی ئس کشینگا، پولیس نا نیمہ غان اِرا ہند آ بھاز تشدد نا گواچی کننگا پولیس برانز کروکا تے لٹ و کٹ کننگ تون اوار آنسو گیس ئنا شیلنگ کرینے اوڑان بندغ آک ٹپی مسُنو۔
کوئٹہ مظاہرین تون اواری نا درشانی کِن بیگواہ مروکا بندغ آتا خاہوت آک قلات نا تحصیل منگچر نا بنجائی جہہ آتا تولوک برانز کرینو۔
