ضلع کیچ آن ورناس زوراکی ئٹ بیگواہ، اَسٹ ئس آجو مریسہ اُرا ئے سر مس۔
بالیچہ زامران بازار آن پاکستانی لشکر میر جلال خان نا مار عبید ئے ہنوکا شام اُرا آن ہفِسہ بیگواہ کرے، حوال تا رد ئٹ ورنا نا سن 18 سال ءِ۔
اندن بالیچہ آن ہنوکا دے تیٹ زوراکی ئٹ بیگواہ مروکا مہروان بلوچ دَرو آجو مرِسہ اُرائے سر مس۔
خاہوت آجوئی ئے پک کرِسہ پارے کل اودے ہنوکا دے تیٹ اُرا آن اَرفیر واہم اینو اودے یلہ کننگانے۔
یاتی مرے کہ بلوچستان ئٹی زوراکی ئٹ بیگواہی تا تُدینی تا گواچی مروکا مَنہ بندغ آجو مریرہ ولے بلوچستان نا جتاء جتاء ہند آ تیان پین زوراکی ئٹ بیگواہی تا حوال رسینگک۔
بلوچستان ئٹی زوراکی ئٹ بیگواہی نا گواچی مروکا تنظیم وائس فار بلوچ مسنگ پرسنز و بلوچ یکجہتی کمیٹی نا رد ئٹ زوراکی ئٹ بیگواہی تیٹ ودکی مننگ ءِ کیہی زوراکی ئٹ بیگواہ بندغ آ تے جعلی مقابلہ تیٹ کوش کننگیرہ۔
