بلوچستان نا ہند پَنجگُور ئٹی خلنگ، بد ایمنی و سلاہ بند ٹولی تہ برخلاف بلوچ یکجہتی کمیٹی نا نیمہ آ برانز کننگا۔
ریلی شہید جاوید چوک آن کشنگ مس، اراٹی گیشتر آ کچ سیاسی باسک و لس اوار مریسہ ڈیتھ اسکواڈ و بد ایمنی ئے ودیفوکا تہ برخلاف نعرہ بازی ہم کننگا۔
ریلی و برانزی جلسہ آن ظاہرہ نور، حرا بلوچ، ماہا بلوچ، فاطمہ بلوچ، فہد آصف، ملا فرہاد، ڈاکٹر عبدالغفار، شاہ نواز، بہرام خان خطاب کریر و بیگواہ بندغ آتا آجوئی، ٹارگٹ کلنگ و اِیلو بد ایمنی نا تدینی تے توننگ تون اوار سلاہ بند ٹولی تا برخلاف کاروائی نا خواست کریر۔
