کوہ سلیمان بلوچستان نا مال و مڈی تہ پٹینگ کن پاکستانی ریاست نا ادارہ ایس آئی ایف پارینے کہ پوسکنا جاگہ آتا پٹینگ نا فزیبلٹی اسٹڈی، پبلک-پرائیویٹ پارٹنرشپ و ریگولیٹری فریم ورک نا تحت تننگا، ہرانا سوَب ٹوپو جیولوجیکل میپنگ آن مال و مڈی تہ پٹینگ مرو۔
ادارہ آن رسینگوکا حوال ئٹی پاننگانے کہ ریکوڈک مائننگ کمپنی کارپوریٹ سوشل رسپانسبلٹی پروگرامی ہنر فاؤنڈیشن تون معاہدہ ئٹ چاغی ٹی ورنا تا ہیل کاری کن کاریم کرینے۔ زمینی مال و مڈی تا دھون خُتوکاتا رکھ ئنا آسراتیک، ہرافتیٹ ہسپتال، ڈسپنسری، ہیلپ لائنز و اوفتا چُناتیک خواننگ جاہ بھازا وخت آ زر ئنا کمک ہم اوار کننگانے۔ ایس آئی ایف سی ملازم آتا کاریم نا جاچ ئے ہلّنگ کن پرفارمنس اینڈی کیٹرز خلکنے ہراکا پد غیرقانودی کاریم تا برخلاف بھلو گام ہفّنگو۔
ایس آئی ایف سی نا مننگ پاکستان ٹی سرمایہ کاری ئے ودّفنگ و ایلو شعبہ آتون اوار اوار مال و مڈی خُتنگ نا شعبہ ٹی آسراتی تننگ کن مس۔
