بلوچ راجی زْرمبشت (بی این ایم) نیدرلینڈ ہنکین نا کُنڈان ڈاکٹر دین محمد بلوچ نا بیگواہی ئے پانزدہ سال پورو مننگ آ نیدرلینڈ نا شار نورد ہالینڈ، زیڈ ہالینڈ، نورڈ ہالینڈ، زیلینڈ، نورد، ہالینڈ، برابانٹ، لمبرگ، یوٹریچٹ، گیلڈرلینڈ، فلیولینڈ، اوور جیسل، ڈرینتھ، فریز لینڈ، خروننگن ئٹی پمفلٹ بشخینگا۔
ڈاکٹر دین محمد بلوچ ئے بیست ءُ ہشت جون اِرا ہزار نُہہ آ اورناچ خضدار آن پاکستان نا ریاستی کارندہ آک زور ئٹ بیگواہ کریسُہ ہرا داسکان پھاش کننگتنے۔
ڈاکٹر دین محمد بلوچ نا آجوئی کن اونا مسِنک سمی بلوچ و مہلب بلوچ ریلی کشیرہ و مظاہرہ کرسہ بریرہ، سمی بلوچ تینا باوہ نا یلئی کن شال آن اسلام آباد اسکان اِرا ہزار پنچ سد کلو میٹر پند ئٹ مارچ کریسس۔
سمی بلوچ نا پاننگ کہ اونا باوہ نا بیگواہی ئے پانزدہ سال مس ولے غُٹ ریاستی تسلی تان پد ہم او داسکان آجو کننگپک۔
ڈاکٹر دین محمد بلوچ نا زور ئٹ بیگواہی ئے پانزدہ سال پورو مننگ و بلوچستان آن ہزارا زور ئٹ بیگواہ بندغاتا آجوئی کن نیدرلینڈ ئٹی پمفلٹ بشخینگا۔ پمفلٹ نا مکست بلوچستان ٹی بندغی حق آتا برخلافی آ جہان ئے سرپند کننگ و پیشن نا مخلوق آن خواست کننگ کہ بلوچستان ٹی ہخس زور ئٹ بیگواہی مننگ ئٹی اے داڑا او نن کن توار ہفّر۔
