کونشکلات تمپ کیچ ئٹی پاکستانی فوج و ڈھکوک ادارہ آتا کارندہ آک آشوبی شعر پاروک استاد منہاج مختار نا اُرا آ چھاپہ ٹی چُنا نیاڑی تے خلکُہ ۔
حوال آتا رِدئٹ پاکستانی فوج و اونا کارندہ آک نن نا یک ءَ نیم آ آشوبی شعر پاروک استاد منہاج مختار نا اُرا آ چھاپہ خلکُہ و اُرا نا غُٹ سامان تے پرغار، استاد منہاج مختار نا باوہ و ایلو اُرا والاتے تھوفنگ نا زور آ خلکُہ، فوج اُرا والاتا موبائل و ہیٹ تے ہم تینتون درے۔
یات مرے کہ استاد منہاج مختار نا اُرا آ پاکستانی فوج و ڈھکوک ادارہ آتا کارندہ آک بھاز وار چھاپہ خلکنُہ اُراتے ہُشانُہ و قیمتی آ گِڑا تے درینُہ۔
ہندن اسہ تُو ئس مہالو جہی آ سرکاری ٹولہ (ڈیتھ اسکواڈ) نا کارندہ آک استاد منہاج مختار نا اُرا آ سُم کاری کریسُہ۔
