بلوچستان ئٹی ہڑدیئی زوراکی نا بیگواہی تا برخلاف دریابی شار و سی پیک بنجاء گوادر ئٹی بیگواہ بلال بلوچ نا خاہوت مکُران کوسٹل ہائی وے ئے برانز کرِسہ بند کرے۔
گوادر ئٹی پاکستانی لشکر نا دُو آن بیگواہ مروکا بلال بلوچ ولد رضا محمد خاہوت سربندن نا ہند کوسٹل ہائی وے ئے برانز کرِسہ بند کرے، برانز ئٹی الس ئنا بھلو کچ ئس اوار اس۔
برانز ئٹی تولوک خاہوت نا پاننگ ءِ کہ بلال ئے بیگواہ مروک تُو ئسے آن زیات وخت مسُنے ولے دائسکان اونا ہچ خبر اف۔
اوفتا پاننگ اس کہ بلال نا رکھوک آجوئی کن نن کیہی دروازہ غا تے ٹُھکیفن ولے ننا ہیت ءِ کس بنتو۔
او پاریر کہ ہراوخت اسکان بلال آجو متو نن برانز ئٹی تولوک مرون۔
اوفک بلوچ یکجہتی کمیٹی، بیگواہ مروکا بندغ آ تا خاہوت تون اوار بلوچ راج آن خواست کرینو کہ او بلال بلوچ نا آجوئی کن ننتو اوار مریر۔
پین خبر ءِ کہ پولیس نا بھلو کچ ئس برانز آن خُڑک مُچ ءِ، خلیس ءِ کہ پولیس برانز ءِ ایسر کپ۔
