بلوچستان نا ضلع نوشکی نا ہند کلی آن پاکستانی لشکر و ڈکھکوک ادارہ تہ کارندہ آک ہندا 10 جون 2024 آ امان اللہ ولد عبداللہ سمالانی پنی ءُ بندغ ئسے سُہب ئنا وخت کلی جمالدینی اونا اُراغان دزگیر کننگ آن پد بیگواہ کریر۔
ہندُن حوالءِ کہ بیگواہ مروکا ورنا نا باوہ زمیندار ئسے و او تینا باوہ نا کاریم ئٹی کمک کریکا۔
خاہوت نا رد ئٹ امان اللہ ئے ہچو عدالت ئسے آ ہتنگ متنے ہندا سوب آن اوفک اونا سلامتی کن پریشانءُ۔
اوفک سیاسی،چاگڑدی، بندغی حق آتا ادارہ تیان خواست کرینو کہ امان اللہ کن توار بُڑز کیر۔
