غیرت نا پن ئٹ کوش آتا لڑ برجاء، ڈیرہ مراد جمالی ٹی اِرا بندغ نا کوش، کوش ئنا برخلاف خاہوت نا برانز ۔
حوال آتا رد ئٹ بلوچستان نا ہند ڈیرہ مراد جمالی ٹی اَرغ غیرت نا پن ئٹ تینا زائیفہ تون اوار اِرا بندغ آتے کھسیفے، ایلو نیمہ آ خلنگ مروکا بندغ آتا خاہوت آک تدینی نا برخلاف سندھ بلوچستان کسرئے بند کرسا برانز کریر۔
برانزی تہ پاننگءِ کہ تدینی ئے غیرت نا پن تننگءُ ارا ردءِ۔
برانزیک پولیس و ایلو انتظامیہ آن خواست کریر کہ تدینی نا پٹ و پول کرسا ڈوہدارئے سزاہ تننگ مرے و انصاف تننگ ئے یخینی جوڑ کیر۔
بلوچستان ئٹی غیرت نا پن ئٹ کوش ئنا تدینیک گیش مننگءُ ہندا تُو غیرت نا پن ئٹ کوش ئنا اِرا تدینی مسونے منہ دے مُست چار جون آ نصیر آباد ئٹی اسہ بندغ ئسے غیرت نا پن ئٹ سمکاری کرسا خلنگاسس۔
