بلوچستان نا شہر کوئٹہ ٹی نیم کِرن آن اڈ مروکا بک سٹالز آتے بلڈوز کننگ نا ریاستی کاریم تہ بناء مسُنے۔
حکومت نا بُھلنی ٹی اخبارت، رسائل ودینی کتاب آتے ہریسہ بٹنگ نا عمل آ علمی،ادبی و صحافتی بشخ آک حکومت آ نوٹس ہلنگ نا خواست کرینو۔
دا رد ئٹ کوئٹہ پریس کلب نا صدر، سیکرٹری جنرل تون اوار ایلو عہدیدار آتے باچا خان چوک ٹی اخباری پیپرز بک سٹالز آتے بلڈوزر کننگ اخبار، رسائل، دینی کتب آ تے ہَرینگ بٹنگ نا مذمت کریسہ پارینو کہ حکومت دا مسئلہ نا زو نوٹس ہلے انتئے کہ دا بک سٹال آک نیم کِرن آن زیات وخت آن علم و آگاہی بشخنگ ٹی بھلو کردار ادا کننگ ءُ ۔
درشان ئٹی پارینو کہ 1972 ٹی مُسکوہی مئیر ذکریا خان کاسی و حکومت اوفتے جاگہ تس تاکہ او حلالءُ اِرغ ئس کٹھیر عدالت ٹی کیس مننگ آن پد اوفتا جلہو مس، اوفتون وعدہ کنگاسس اَرا کہ تحریری رد ئٹ ساڑی ءِ بلدیہ اَرا وخت آ دا پلازہ جوڑ مننگ اسکان مون نا متبادل جاگہ آ اَرا نقشہ ہم جوڑ کننگا۔
او مُستی پاریر کہ اگہ مسئلہ حل کننگ کن عملی گام ہرفتوس ایکشن کمیٹی اجلاس توار کریفون و بروکا وخت ئکن طریقہ کار نا فیصلہ مرو۔
