کیچ ئنا ہند بلیدہ ٹی گروک تمنگ آن شش بندغ ٹپی مسُر۔ ٹپی مروکا تیٹ اِرا زالبول و چار چُنا اوار ءُ۔
حوالکار آ تا پاننگ ءِ کہ تومکا زالبول آ تا حالیت خراب مننگ آ اوفتے سلو آن خُڑک ہسپتال آ دننگ نا کوشست مننگ ءِ ولے کسر ئٹ جل ئنا دیر ئنا سوب آن تومکا ٹپی تا اُلاخ آک ہسپتال آ سر مننگ کتو و جل ئنا کسر آ سلوک ءِ۔ وا ہم چار انگا چُنا تا حالیت خطرہ آن پیشن ءِ۔
یاتی مرے کہ ہنوکا دے ضلع کیچ ئنا کیہی ہند آ تیٹی گِروک تون اوار پِر ہم مس ہرانا سوب آن جلک دیر ہفینو، ایران آن بروکا 132 نا وی ٹرانسمیشن لائن نا اِرا ٹاور ہم تیز تہو نا سوب آن بھس مسُر ہرانا سوب آن بجلی سپلائی ہم بند مس۔
