بلوچستان نا ضلع ڈیرہ بگٹی نا عیلاقہ شاہ زین پمپ ئنا ہند آن پاکستانی لشکر اسہ بندغ ئسے بےدادی نا گواچی کننگ آن پد زوراکی ئٹ بیگواہ کرینے۔
بیگواہ مروک بندغ نا چاہنداری مراد بگٹی نا مار خیر اللہ نا پن ئٹ مسنے۔
یاتی مرے کہ سوئی ٹی ہنوکا تُو ئٹی 50 نا کچ بندغ زوراکی ئٹ بیگواہ کننگانو۔
ہندی حوالکار آتا پاننگ ءِ کہ پاکستانی لشکر و سی ٹی ڈی نا نیمہ آن دا کاروائیک مننگ ءُ و اوفتتون سرفراز بگٹی و ڈیتھ اسکواڈ نا کمک اوار ءِ، سوئی ٹی چھاپہ تا وخت اُرا تیٹی لُٹ و پل و زالبول و چُنا تے بےدادی نا گواچی کننگ ہم برجاء ءِ۔
ایلو کنڈ آن تربت ئٹی بیست دے مُست پاکستانی لشکر نا دُو آن بیگواہ مروکا بندغ آجو مسُنے۔
شابیتی حوال تا رد ئٹ آجو مروکا بندغ نا چاہنداری جمعہ نا مار حیات نا پن ئٹ مسنے ہرا تربت آپسر نا ہندی اسے۔
حیات ئے پاکستانی ڈھکوک ادارہ آ تا کارندہ آک 11 مئی آ بیگواہ کرِسہ نا دُرست ءُ جاگہ سے آ دریسر ہرا اینو آجو مسُنے۔
