ڈیرہ بگٹی و خضدار آن پاکستانی لشکر اِرا نودربر ئے دزگیر کرِسہ بےگواہ کرے۔
حوالکار آتا ردئٹ ڈیرہ بگٹی آن زوراکی ئٹ بیگواہ مروکا پدھ ولد ڈوٹا مندرانی بگٹی ءِ پاکستانی لشکر و ڈکھوک ادارہ غاتا کارندہ غاک 15 مئی آ سوئی آن دزگیر کرِسہ بیگواہ کرینو و دسکان ہچو حوال تہ اف۔
اندن خضدار آن پاکستانی لشکر انیس پنی ءُ نودربر ئس دزگیر کرِسہ بیگواہ کرے۔
زوراکی ئٹ بیگواہ کننگوک انیس اسٹوڈنس کونسل ملتان نا مہان نا سرکماش ءِ و بی زیڈ یو ملتان نا نودربر ئسے۔ درو بیگہ نا خضدار شار ئنا ہوٹل ئسے آن دزگیر کرِسہ بےگواہ کننگانے۔
