بلوچستان نا بھازا علاقہ آتیٹ گیشتر باسُنی ءِ، گڑاس شار ئٹی سینٹی گریڈ چِھل ءُ نُہہ، چاغی، دالبندین و تفتان ٹی چِھل ءُ ہشت ڈگری باسُنی مسّنے۔ مئی نا تُو ئٹی مچا بلوچستان ٹی باسُنی نا مُست ئنا بھازا ریکارڈ آک پنانو۔
اینو شال ئٹی سی ءُ ہشت ڈگری باسُنی مسّنے ولے غُٹ آن زیات سبی ٹی چِھل ءُ نُہہ ڈگری پاننگانے۔
موسم نا محکمہ نا پاننگ کہ چاغی، دالبندین و تفتان ئٹی ہم گیشتر باسُنی اے، لُوار نا چِھکّنگ نا سوَب باسُنی چِھل ءُ ہشت ڈگری ئے سرمس۔
حوال آتا رِدئٹ بلوچستان نا بھازا میدانی ہَنداک ہم گیشتر باسُن ءُ، باسُنی آن بجلی ہم افک۔ نصیر آباد، صحبت پور، ڈھاڈر و بولان ئٹی ہم دا وخت آ سخت باسُنیءِ۔
