پاکستان ٹی غریبی نا شرح ٹی پین گیشی،بلوچستان کُل آن زیات متاثرءِ۔
پاکستان ٹی معاشی ترقی نا حوالہ ئٹ پاکستان انسٹی ٹیوٹ آف ڈیولپمنٹ اکنامکس نا تیدری نا رد ئٹ ہنوکا پبچ سال ئنا وخت ئٹ پاکستان ٹی غربت نا شرح 0.9 فیصد گیشی تون اوار 38.6 فیصد آن ودیسہ 39.5 فیصد مسُنے و کُل آن زیات غربت نا شرح بلوچستان ٹی ریکارڈ کننگانے۔
ادارہ نا نیمہ آن شنگ مروما تیدری ٹی پاننگانے کہ پاکستان ٹی غربت نا شرح 39.5 فیصد اسکان سر مسُنے، رپورٹ نا رد ئٹ بلوچستان ٹی کُل آن زیات 70 فیصد غربت ٹی گیشی بسونے خیبرپختونخوا ٹی 48 فیصد، سندھ ئٹی 45 فیصد، پنجاب ٹی 30فیصد بندغ غریبی نا گواچی ءُ۔
ہندون دیہی ہند آ تیٹی تیوعہ ملک نا شہری ہند آ تیان زیات غربت ریکارڈ کننگانے، دیہی ہند آ تیٹی غربت نا شرح 51 فیصد،شہر تیٹی غربت نا شرح 17فیصد ریکارڈ مسونے۔
پاکستان انسٹی ٹیوٹ آف ڈیولپمنٹ اکنامکس نا تیدری ٹی پاننگانے کہ 26.5 فیصد شہری آسراتی ، 49.4 فیصد شہری خواننگ نا آسراتی، 24.1 فیصد بندغی صحت نا آسراتی آن زبہرءُ۔
تیدری ئے مونی ہتوکا کچ ئنا رد ئٹ کُل آن ریات غربت نا شرح بلوچستان ٹی ریکارڈ کننگانے۔
