گوادر: 22 مئی 2024 آ گوادر شہر ئٹ گٹی ڈور چوک آن اِرا بندغ ئے پاکستانی لشکر زوراکی ئٹ بیگواہ کرے۔ ارافتا پجار محمد وحید ولد محمد علی، نصرت ولد عبدالرحمان نا پن ئٹ مس۔
خاہوت نا رد ئٹ محمد وحید ولد علی محمد و نصرت ولد عبدالرحمان ئے پاکستانی لشکر نا کارندہ آک گٹی ڈور گوادر ئٹی اوفتا ڈیزل ڈپو آن دزگیر کننگ آن پد زوراکی ئٹ بیگواہ کریر۔
خاہوت نا رد ئٹ اِرٹنگا کیہی سال آتیان ڈیزل نا کاریم تون تفوک مسونو۔
خاہوت خواست کرینے کہ کالخواہ و پارلیمنٹ نمائندہ آک گوادر ہدایت الرحمان اوفتا آجوئی کن کڑدار ادا کیر و پُر ایمن کاروباری بندغ آتے ریاستی ادارہ تیان رکھیفنگ مری ارافک ریاستی طاقت ئے ایلو فائدہ تیکن کارمرز کپس۔ ننے خُلیسءِ اوفتان بھتہ ہلنگ کن اوفتے زوراکی ئٹ بیگواہ کریر۔
