امریکہ پارینے کہ روس تینا ‘سویوز راکٹ’ نا کمک ئٹ زمین نا شیفیکو مدار ئٹی سیٹلائٹ پرغوکو سِلا سَرکرینے ہرا ایلو سیٹلائٹ آتا جاچ ئے ہلیرہ و اوفتا جلہو کننگ نا ہم وس تخرہ۔
روس ئنا سِلاتا بابت اسہ بھلو سفیر ئس امریکہ نا دا دعویٰ ئے رد پارے۔
کریملن امریکی سرکار نا دا دعویٰ ئے سختی ئٹ رد کرے کہ ماسکو دہُنو سیٹلائٹ خَلوکو سِلا جوڑیک ہرا خلا ٹی مرور۔
امریکہ نا خلائی کمان سےشنبے آ روس ئنا نیمہ آن دا تُو ئنا بِنا آن خلائی لانچ ئنا یام پلسیتسک آن سویوز راکٹ راہی کننگ نا پاریسس کہ دا راکٹ ئٹی مننگ کیک خلا ٹی کاریم تروکو اسہ سِلا ئس اس ، ہرا زمین نا شیفیکو مدار ئٹی چرینگوکا ایلو سیٹلائٹ آتا جُلہو نا وس تخک۔
روس ئنا دفاع نا شعبہ پاریسس کہ ہودہ مئی آ راہی کروکا راکٹ ئٹی اسہ خلائی جاز ئس ہم اس، ولے او دا پاتو کہ او انت مکست ئسیک اس۔
