بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک آواران نا ہند مشکے ٹی قوضہ گیر پاکستانی لشکر نا چوکی آ اِرا جلہو تیٹی اِرا کارندہ خلکُر و مسٹ ٹپی کریر ۔
اِستو شام ئنا شش ءُ نیم بجہ بی ایل ایف نا سرمچار آک اوگار مشکے ٹی اڈ مروکا دشمن پاکستانی لشکر نا چوکی آ بھلا سلاہ تیٹ جلہو کریر ۔ جلہو ہندن ترند اسک کہ دشمن ئے تینے ڈکھنگ نا موقع رسینگتو و دا جلہو بیست منٹ اسکان ترندی ئٹ برجاء مس و جلہو ئٹی بے سُہب مروکا دشمن نا اِرا کارندہ کھسک و مسٹ ٹپی مس ۔
قوضہ گیر دشمن نا دا چوکی آ ارٹمی وار یک ءُ نیم بجہ سرمچار آک خودکار سلاہ تیٹ جلہو کریر، جلہو ئٹی دشمن لشکر ئے بھاز جانی و مالی نسخان ہرفوئی تما ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک ۔ بلوچستان نا تیوعہ آجوئی اسکان دشمن آ سرمچار آتا جلہوک ترندی ئٹ برجاء مرور ۔
