بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک 19 مئی ئنا شام سئے ءُ نیم بجہ آ گوادر نا سیاہ عمر وارڈ ئٹی لگوک چینی کمپنی نا زونگ موبائل ٹاور آ جلہو کرِسہ کُل مشینری تے بھُس کریر ۔
اسہ پین جلہو ئسیٹی سرمچار آک ہژدہ ءُ نوزدہ مئی نا نیام ئنا نن نہُہ بجہ آ مشکے نا ہند جیبری ٹی فرنٹئیر ورکس آرگنائزیشن (ایف ڈبلیو او ) نا سائیٹ آ جلہو کریر ، جلہو ئٹی کسر اڈ کروکا کمپنی نا لاری، ڈمپر، لوڈر و ایلو مشینری تے سُمکاری کرِسہ نسخان تسُر ۔
ننا وار وار ئنا پاننگ آن پد ہم لیویز فورس سامراجی لُٹ پلی منصوبہ تیٹی قوضہ گیر ریاست تون اوارے ۔ نن لیویز آتے بلوچ مننگ نا بنیات آ نسخان تننگ آن تینے مرُ تورِنُن، اگہ داسا قوضہ گیر ریاست نا کاریم ئسے ٹی اوار مسُر یاکہ آسراتی تننگ نا کوشست ئے کریر گُڑا تینا جان و مال ئنا ذمہ وار تینٹ مرور ۔
سرمچار آک آواران نا ہند زرانکول پیراندر ئٹی اڈ مروکا پاکستانی لشکر نا چوکی آ جلہو کرِسہ اسہ کارندہ سے خلکُر و اسٹ ئے ٹپی کریر ۔
اِستو شام ئنا شش بجہ آ بی ایل ایف نا اسنائپر شوٹرز آک قوضہ گیر پاکستانی لشکر نا اسہ کارندہ سے ٹک کرِسہ خلکُر و اوکان پد خودکار سلاہ تیٹ چوکی آ جلہو کریر ،جلہو ئٹی دشمن نا اسہ کارندہ ئس ٹپی مس ۔
جارکش ایسر ئٹ پارے کہ بلوچستان لبریشن فرنٹ دا جلہو تہ ذمہ واری تے ہرفک و قوضہ مروکا بلوچستان نا آجوئی اسکان قوضہ گیر لشکر و اونا سامراجی منصوبہ تے آ جلہوک برجاء مرور ۔
