بلوچ وائس فار جسٹس بیست ءُ چھار مئی نا شام ئنا ہفت بجہ آن ہلیس نن نا یک بجہ اِسکان سلمان بلوچ، آصف بلوچ و رشید بلوچ نا سلامت آجوئی کِن ایکس (ٹویٹر) آ مہم ئس چلّفنگ نا پڑو کرینے، اراٹی سیاسی و چاگڑدی بندغاک، بندغی حق آتا توار ہرفّوکاک، خْوانندہ آک، وکیل، خبر نویس، سوشل میڈیا آ کاریم کروک و ایلو بندغ دوست آ مخلوق آن خواست کننگانے کہ ببو اوار مرین رشید بلوچ، آصف بلوچ و سلمان بلوچ نا آجوئی کِن توار بُڑز کین۔
یاتی مرے کہ اسہ خاہوت آن مسہ ورنا زور ئٹ بیگواہ ءُ، آصف بلوچ و رشید بلوچ ئے بیست ءُ یک اگست اِرا ہزار ہژدہ ٹی نوشکی نا سیل ءُ سواد نا جاگہ زنگی ناوڑ آن دزگیری کننگ آن پد سی ٹی ڈی شال ئٹی میڈیا نا مونا ہتنگ مس، اوفتا بھازا سنگتاک یلہ مسّر ولے آصف و رشید داسکان بیگواہ ءُ۔ دا نیام ئٹی رشید نا لمہ تینا مار ئنا جتائی نا دڑد ئے کُنسہ جہان آن رخصت مس۔
سلمان بلوچ سینزدہ نومبر اِرا ہزار بیست ءُ دو ئٹی شال آن زور ئٹ بیگواہ کننگا۔ آصف و رشید تون اوار سلمان ہم دائسکان بیگواہءِ۔
