درو نا دے بلوچستان ٹی سُم کاری تیٹ اِرا بندغ خلنگار و نیاڑی سے تون اوار اسہ بندغ ئس ٹھپی مس۔
قلات ئٹی پولیس نا چھاپہ ٹی نرّوکا ملزم آتا سُم کاری ٹی عبدالوہاب زہری پِنی آ پولیس نا کارندہ ٹھپی مس ہرادے درمان کن خُڑک ئنا اسپتال آ راہی کننگا۔
شال جان محمد روڈ آن خُڑک سُم کاری ٹی خْواننگ جاہ (اسکول) نا نیاڑی استاد ئس بھاز ٹھپی مس، سُم کاری آن پد جُلہو کروکاک نرّار ہِنار و ٹھپی آ نیاڑی ئے سول اسپتال ئے سَرکننگا۔
شال رئیسانی روڈ کباڑی گلی آن خُڑک ہم سُم کاری ٹی اسہ بندغ ئس ساہ تِس۔
ہندن باری شاخ گوٹھ قمرالدین کھیازئی نصیر آباد ئٹی سِلابند بندغاتا سُم کاری ٹی جے یو پی نا ضلعی جنرل سیکریٹری حافظ علی احمد کھیازئی خلّنگا۔
پولیس خَلوک جاگہ آ سَرمس لاشہ ئے اسپتال آ راہی کرے ولے اول ئٹ خلّنگ نا سوَب چاننگ متَنے۔
