مشکے آن سرکاری ڈیتھ اسکوائڈ نا دُو آن بندغ ئس بیگواہ ۔ شابیتی حوال آتا رد ئٹ بلوچستان نا ضلع آواران ناتحصیل مشکے نا ہند گورکھائی آن کوزہ گیر پاکستانی لشکر و ڈھکوک ادارہ آتا اڈ کروکا ڈیتھ اسکوائڈ نا کارندہ آک بشیر ولد مولابخش لاکھی نا ہندی
بندغ ئسے ہنوکا دے سلاہ نا زور آ برمتہ کرسا تینو ن اوار دریر ۔
ہندی حوال آتا رد ئٹ دا اولی وار اف داکان مُست ہم پاکستانی لشکر و ڈیتھ اسکوائڈ نا کارندہ آک اوفتے برمتہ و زوراکی ئٹ بیگواہی نا نشانہ کیرہ و تشدد آن پد اوفتے یلہ کیرہ ۔
ایلو نیمہ آ مستونگ ئٹی قبائلی رہشون گل جان شاہوانی نا اُراغہ نن ئنا نیمہ آ چھاپہ خلک، اُراٹی گڑاتے پرغن و چار دیوالی نا تقدس ئے لتاڑنگ نابرخلاف زالبول آتا نیمہ آن شال آن کراچی کسر ئے کھڈ کوچہ مستونگ نا ہند آ بلاک کریسہ برانز کریر ۔
کسر نا بند مننگ نا سوب آن ٹریفک نا نظام متاثر مس و ارٹنگا نیم آتا لاری تہ لائن لگا ۔
ہندی تہ پاننگ ءِ کہ دا اولی وار متنے کہ لشکر چھاپہ خلیسہ اُرانا گڑاتے پرغنگ، زالبول و چُنا تا تشدد کرینے بلکن دا ہردے نا قصہءِ ۔او پاریر کہ اگہ لشکر تون ثبوت ارے او وارنٹ ہتے ، کیس چلیفے نن مون تتون گڑا ذمہ وار اُن ۔
