نیدرلینڈ ہنکین نا کابینہ نا وخت پورو مننگ آن پد پوسکنا پنچ باسکی کابینہ جوڑ کننگا، ارا بروکا مُسہ تُو کِن ہنکین ئٹی پوسکن یونٹ جوڑنگ و ہنکینی کونسل کن اومیت واراتے گچین کرسہ پوسکنا ہنکینی کابینہ کِن گچین کاری کرفّو۔
سیکریٹری جنرل دلمراد بلوچ نا کُنڈان شنگ مروکا احوال ئٹی پاننگانے کہ بلوچ راجی زْرمبشت (بی این ایم) نا پیشن آ نیدرلینڈ جْوانو ہنکین ئسے ارا یورپ ئٹی گَل ئنا کاریم و گَل ئنا مسخت کِن جْوانو گام ہرفینے۔
او پارے کہ ساڑی آ ہنکینی کابینہ ناکو عبدالواحد بلوچ نا کماشی ٹی تینا وخت ئٹی بھازا کاریم تے جْوانی ئٹ کرسہ بلوچ راجی مسخت کِن گَل ئنا فکر ئے مُستی درینے۔
پنچ باسکی آرگنائزنگ کمیٹی ٹی مہیم بلوچ آرگنائزر، کیا بلوچ ڈپٹی آرگنائزر ہندن بہار بلوچ، کہور بلوچ و اسلام مراد بلوچ آرگنائزنگ کمیٹی نا باسک گچین کننگار۔
