چاغی، کوہلو و خاران تون اوار بلوچستان نا بھازا ہنداتیٹ زور انگا پِھر و ٹْرونگڑ برجاء ءِ۔
موسیٰ خیل بلوچستان ئٹی تیز انگا تہو تون اوار اسہ رنگ پِھر و ٹْرونگُڑ مننگ ءِ اراڑان یخ ودّنگءِ۔
ہندن بارکھان و اونا خُڑک ئنا ہند آتیٹ ہم اِستو آن جَھٹ جَھٹ آ پِھر مننگءِ و یخ گیشتر مرساٹے ۔
ایلو نیمہ آ تفتان ئٹی اِستو آن تیز انگا پِھر آن پد لوڑُو بسّنے اراڑے گِڑاس لاری تے ہم دیر درینے۔
شار ئنا گیشتر ہنداک لوڑو ٹی بسّر، دیر اُراتیٹ و دکان تیٹ پیہا اراڑان کیہی اُرا و دیوال تمّانے۔
