بلوچستان نا ہند خضدار ، لورالائی و کوئٹہ ٹی جتاء تدینی تیٹی چھار بندغ بیران و بیست ٹپی ۔
حوال آتا رد ئٹ خضدار نا ہند زاوہ ٹی تیزی ئٹ ہنوکا مسافر بس چپی مس، مسافر بس ئٹی تولوک اِرا بندغ بیران مسُر و بیست ءُ یک بندغ ٹپی مسُر ۔
لیویز نا رد ئٹ ٹپی مروکا تیٹی زالبول و چُناک ہم اوار ءُ،ٹپی آتے خضدار ٹیچنگ اسپتال آ دریر ۔لیویز نا پاننگ ءِ کہ تدینی تیز ہننگ نا سوب آن کوئٹہ کراچی کسر آ مس ۔
لورالائی آن حوال ءِ کہ سنجاوی نا ہند لنوب آن نا دُرست بندغ ئسینہ جون خننگا ۔ لیویز و ہندی بندغ آک جون ئے ٹیچنگ اسپتال لورالائی آ دریر، جون ئنا پجار دائسکان مننگ کتنے ۔ لیویز حوالکار آتا رد ئٹ جون مسخ کروکءِ ۔
کوئٹہ نا ہند مشرقی بائی پاس ئٹی مَش تیان خُڑک سُمکاری نا تدینی مس ۔ چھیپا ریسکیو حوالکار آتا رد ئٹ سُمکاری آن اَسہ بندغ ئس بیران مسُنے ۔ ارانا پجار رحمت اللہ ولد جمال شاہ نا پن ئٹ مس ۔
جون ئے چھیپا ایمبولینس نا ذریعہ ئٹ اسپتال آ دننگا ۔تدینی نا سوب دائسکان چائنگ متنے ۔
