بلوچستان یونیورسٹی نا خوانندہ کاروباری شہر حب چوکی ٹی تینے لوپ کرسا زندئے ایسر کرے۔
حب ہوٹل ئٹی رہینگوک جھاؤ ضلع آواران نا ہندی عاصم پنی ءُ ورناس ہوٹل نا کمرہ ٹی پنکھہ آ چٹ ئس شاغسہ خودکشی کرے۔
خودکشی کروکا ورنا بلوچستان یونیورسٹی نا خوانندہ سے۔ دائسکان خودکشی نا سوب آک چائنگ متنو۔
یاتی مرے کہ بلوچستان ئٹی خودکشی نا تدینی تیٹی دے پہ دے گیشی بننگءِ۔ بلوچستان ئٹی کاریم کروکا سیاسی و چاگڑدی تنظیم آک دا تدینی تہ ذمہ وار ریاستی زوراکی، بیروزگاری و چائنگ مفروکا پگہ ئے کیرہ۔
بلوچستان ئٹی ریاستی لشکر و اونا ڈکھکوک ادارہ آتا نیمہ آن بلیک میلنگ و ایلو وڑ تیٹ ورنا،زالبول و ہندی بندغ آتے ذہنی اذیت نا گواچی کننگ مریک اراکان نا اُمیتی نا سوچ ودی مرسا بندغ آتے خودکشی کن مجبور کیک۔
