گوادر بلوچستان نا بھازا سرکاری اسکولاتیٹ استاد و کاریم کروکاتا بفننگ جْواننگا تعلیم ئے دُوئی کننگ کِن مشکل ئس جوڑ مسّنے۔
گْوادر ٹی چِھل آن زیات اسکول آک غیر فعال، کم و ود ہفت سَد استاد و ایلو کاریم کروکاتا جاگہ غاک ہورک ءُ۔ بندا اسکولاتیٹ گیشتر پرائمری اسکول ءُ۔ ہَرافتیٹ گْوادر نا تحصیل اورماڑہ موناٹے۔
حوال آتا رِدٹ، گوادر ئٹی ہائیر اسکولاک پنچ ءُ ارافتیٹ اِرٹ مارتا و مُسٹ مسِن تہ اسکول ءُ۔ ہائی اسکولاک سی ءُ شش ءُ ارافتیٹ بیست ءُ سَے مارتا و سینزدہ مسِن تہ ءُ۔ مڈل اسکولاک چِھل ءُ شش ءُ ہندن پرائمری اسکولاک دو سد ءُ بیست ءُ پنچ ءُ۔ دا سرکاری اسکولاتیٹ استاد و ایلو عملہ نا بفننگ نا سوَب آن خْواننگ، خْوانیفنگ بےوڑ ءُ۔ تیوعہ گوادر ئٹی چِھل آن زْیات سرکاری اسکولاک ملنگپسہ ارافتیٹ گیشتر پرائمری ءُ۔ گوادر نا چھار تحصیل ئٹی بند اسکولاتا کچ اورماڑہ ٹی کُل آن زیاتءِ۔ ارٹمیکو نیمہ غا ضلع نا مڈل اسکولاک ءُ ارافتا ہائی نا دروشم ٹی بنّنگ آن پد نہ کلاساک ودّفنگار نہ کہ سائنس لیبارٹری تنّنگا۔ ضلع نا ہائی اسکولاتیٹ شست ءُ سئے آن بیست ءُ شش اسکول ءُ ارافتیٹ لیبارٹری اف و دو سد ءُ بیست ءُ سئے اسکول ءُ ارافتیٹ دِیر اف و بجلی نا آسراتی ہم اف۔
یات مرے کہ بھلّو کچ ئسیٹ استاد و کاریم کروکاتہ کمّی نا سوَب آن خْواننگ و خْوانیفنگ بےوڑ ءُ اراڑے ‘خوانندئی کُل اکن و ہر چُنا اسکول ئٹی’ نا نعرہ نا چَپ خننگک۔
