ڈیرہ بگٹی: رائیس توک سوئی ٹی نادُرست سلاہ بند بندغ آک گیس ویل آ کاریم کروک آتا جلہو کریر۔
حوالکار نا رد ئٹ جلہو ئٹی مشین و سامان تے نسخان رسینگانے۔ دائسکان پین جانی نسخان نا حوال اف و جلہو نا ذمہ واری ئے ہم ہچ تنظیم ئس ہرفتنے۔
ایلو نیمہ پشین آن حوالءِ کہ دُز آک دکان ئسے لُٹنگ نا کوشست کریر، دکاندار و دُز آتا نیام ئٹ سُمکاری آن اِرا بندغ خلنگا۔
حوالکار نا رد ئٹ خلنگ مروکا بندغ آتیٹی اسٹ نا پن صدام خانءِ کہ ارا ٹیلر اُستاد ئسے و اسہ دُز ئس خلنگانے۔ لمڑان خان کالونی ٹی صدام خان تینا دکان ئٹی تولوک مسُنے کہ دُز آک اونا دکان ئے لُٹنگ نا کوشست کرینو۔
