حوال آتا رد ئٹ لیویز کارندہ محمد حسن ولد عیدو ئے نادُرست بندغ آک ڈیرہ بگٹی ٹی ڈکھکوک شورہ تیٹ نشانہ کریر او ہمو جاگہ خلنگا۔
اونا خلنگ نا سوب انگا چائنگ متو۔
استو زوراک آ پاکستانی لشکر جلہو کرسا ظہور پنی ءُ ورناس ئے دزگیر کننگ آن بیگواہ کریر۔
زوراکی ئٹ بیگواہ مروکا ظہور ولد خالد تمپ ئنا ہند دازن نا ہندی سے ارادے استو دو بجہ آ زوراک آ پاکستانی لشکر و ڈکھوک ادارہ تہ کارندہ آک اونا اُراغان دزگیر کرسا بیگواہ کریر۔ پاکستانی لشکر چھاپہ خلنگ نا وخت آ اُرانا گڑاتے پٹنگ تون اوار بندغ آتے زوراکی نا گواچی کرینے۔
حوال آتا رد ئٹ زوراکی ئٹ بیگواہ مروکا ڈاکٹر مشتاق ولد سوالی ہوشاب نا ہندی ئے 01 اپریل 2024 نا شام پاکستانی لشکر و ڈکھوک ادارہ تہ کارندہ آک اونا اُراغان دزگیر کرسا بیگواہ کریسُر۔ مُسہ دے نا بیگواہی آن پد درو نا دے ڈاکٹر مشتاق آجو مس۔
