گریشہ یوتھ اسٹوڈنٹس آرگنائزیشن نا جارکش تینا شینگ مروکا درشان ئٹی پارے کہ بیست ءُ یکمی کرن ئٹی گریشہ نا سرکاری اسکول آ تیٹی تعلیمی نظام بھاز متاثر ءِ ۔ اسکول آک مُتکنا جاگہ تہ ندارہ تیرہ ۔ گیشتر اسکول آ تیٹی ٹیچر اف ، اگہ ارا اسکول ئٹی ٹیچر ارے گڑا او ڈیوٹی تننگ آن مُر ءُ ۔
او پین پارے کہ کلسٹر نا فنڈز آ تے ارفرہ ، دائسکان کیہی اسکول آ تے کتاب تتنو ۔ اگہ اخس تسنو او ہم کم ءُ ۔ اسکول آ تیٹی آسراتی اف ۔نہ ٹیکنیکل لیب ارے نہ لائبریری و واشروم نا سہولت۔ بلکن اِرا گُلم دیر ئنا کُننگ کن کیہی میل مُر سفر کروئی تمک ۔
افسرآک نو گو ایریا نا بہانہ کرسا ہچ ہم اسکول آتا دورہ کپسہ ۔ داخس آبادی ٹی بیرا مُسہ ہائی اسکول ارے ۔
جارکش ایسر ئٹ پارے کہ نن کُل سیاسی، چاگڑدی و خوانندہ تنظیم آ تے اعتماد ئٹی ہلیسہ چُنکا عید آن پد تعلیمی خراب حالی آ مہم چلیفون ۔
