بلوچستان نا ہند نصیر آباد ٹی بھیل برادری نا اِرا پِنڈوکو مسڑ بیگواہ کننگا۔
تدینی نا برخلاف خاوت آتا ہڑتوما بیگواہ آ مسڑتیکن سٹی پولیس تھانہ ڈیرہ مراد جمالی نا مونا آ برانز کننگا۔
صدر پولیس تھانہ ڈیرہ مراد جمالی نا حد گوٹھ جمعہ خان عمرانی آن خُڑک بھیل برادری نا مسڑ شاہانہ و شکنہ ئے بیگواہ کریر۔
حوال آتا رِد ئٹ ہڑتوما مسنک پِنڈوک اسّر۔
بیگواہ مروکا اسہ مسڑ ئسے نا تعلق لاڑکانہ آنءِ ارا پِنڈنگ کِن ڈیرہ مراد جمالی آ تینا سْیال آتا بسّس۔ ہڑتوما مسن تہ لمّہ و سْیالاک سٹی پولیس تھانہ ڈیرہ مراد آ سر مسُر۔
پولیس نا بےکمکی آ بھیل برادری نا نرینہ و نیاڑیک برانز کریر و پاریر کہ ہڑتوما مسن تے زوت آن زوت یلا کننگ مرے۔
ارٹمیکو نیمہ آن سب تحصیل میختر لورالائی شہر ئنا خُڑک سِلاہ بند بندغ آک موٹر سائیکل دُزّی نا وخت آ مزاحمت کننگ آ سُمکاری آن موٹر سائیکل سوار خلنگا۔
خلنگ مروکا بندغ نا پجار نعمت اللہ ولد قدم جان کبزئی نا پن ئٹ مس۔
سلاہ بند بندغ آک موٹر سائیکل ئے دُزیسہ نزار۔
میختر لیویز مقدمہ نوشتہ کرے۔
