بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ سرمچار آک مند و گڈگی ٹی قوضہ گیر پاکستانی لشکر آ جلہو کریر اراٹی لشکرئے جانی و مالی نسخان رسینگا۔
سئے شمبے نا شام ئنا شش بجہ آ سرمچار آک مند ئنا دریاچم و میسنگ نا نیام ئٹ اڈ مروکا قوضہ گیر دشمن نا چوکی آ پوسکُن اِنگا سلاہ تیٹ جلہو کریر۔
جلہو ئٹی دشمن نا اَسہ کارندہ ئس خلنگا و اسٹ ٹپی مس۔
ہندُن درے ننکان پنچ بجہ آ سرمچار آک گڈگی چمگ نا ٹک آ اڈ مروکا قوضہ گیر لشکر نا چوکی آ بھلا سلاہ تیتون جلہو کرسا اسہ کارندہ سے خلُکر و اسٹ ئے ٹپی کریر۔ ہندا وخت آ سرمچار آک دشمن نا خلوک آ سرویلنس کیمرہ تے ہم نشانہ کرسا بھُس کریر۔
او ایسر ئٹ پارے کہ بلوچستان لبریشن فرنٹ اِرٹنگا جلہو تہ ذمہ واری تے ہرفک۔ سرزمین نا آجوئی اسکان جلہوک برجاء مرور۔
