بلوچستان نا ہند سرانان ئٹی گروک تمنگ آن اِرا بندغ بیران و مال آک کھسکُر ۔
مغربی چِرک آ تا سسٹم جنوب و شمال آن بلوچستان ئٹی بسُنے ارانا سوب آن بلوچستان نا ساحلی و شمالی ہند آ تیٹ پِر تا سلسلہ نا بناء مسُنے ۔
پی ڈی ایم اےبلوچستان نا رد ئٹ مغربی سسٹم آن پاکستان اوغانستان و پاکستان ایران سرحدی ہند آک زیر اثر ئٹی بسُنو ۔ چمن ، قلعہ عبداللہ ،پشین ،زیارت ،خانوزئی ، مسلم باغ ،دالبندین تون اوار چاغی نا جتاء انگا ہند نوشکی و ایلو ہنداتیٹ پِر مننگ ءِ ۔
داڑان ابید جنگل پیر علیزئی ،سرانان ، گلستان ،شیلا باغ و کوژک ٹاپ تیتون اوار توبہ اچکزئی ،توبہ کاکڑی ، برشور ، حرمزئی ٹی پِر مننگ ءِ ۔
پشین نا ہند سرانان ئٹی شام ئنا مُسہ جاگہ آتا گروک تمنگ نا تدینی مسُنے ، گروک خانہ ہنپوک آ تا کُڈک آتیا تمانو ۔
حوالکار آ تا رد ئٹ گروک تمنگ آن مُسہ کُڈک ہشنگار و اِرا بندغ بیران مس ۔ گروک تمنگ آن 50 ساہ دار آک ہم کھسکُر ۔
