بلوچستان نا ضلع کیچ بلیدہ الندور ئٹی ہنوکا دے نادُرست سلاہ بند بندغ آتا سُمکاری آن آصف ولد بیبگر پنی ءُ بندغ ئس خلنگا۔
لاش ئے ڈسٹرکٹ اسپتال تربت آ دننگا۔
ہندا وڑ پنجگور پڑی ٹی نادُرست سلاہ بند بندغ آک قاسم ولد حامد تسپ پنجگور نا ہندی ئے سُمکاری کرسہ خلکُر۔
خضدار ئٹی بد امنی نا تدینی تیٹی ہردے گیشی بننگءِ بازگیر بوسی کھنڈ خضدار ئٹی کیہی سلاہ بندغ آک اسہ اُراسیٹی پیہیسا اُرا والاتے توریسہ تینا مرضی ئٹ لُٹ و پُل بناء کریر، مزاحمت کننگ آ اُرا مالک خضدار جھالاوان سبزی منڈی نا صدر علی حسن محمد حسنی ئے سُمکارے کرسہ خلکُر۔سلاہ بندغ آک لُٹ و پُل کننگ آن پد نرنگ ئٹی سُہبمند مسُر۔
