بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک کولواہ مراستان شاہ باتل نا خُڑک پاکستانی لشکر نا قافلہ آ جلہو کرسہ اِرا کارندہ خلکُر۔
سرمچار آک 05 مارچ سئے شمبے نا دے پاکستانی لشکر نا قافلہ آ ہمو وخت جلہو کریر وختس دہ لاری تہ قافلہ ئس بلور آن واپس شاہ باتل نا نیمہ آ ہننگ ئس۔ سرمچار آک حکمت عملی نا رد ئٹ قافلہ نا خیر ئنا لاری آ بھلا و خودکار سلاہ تیٹ جلہو کریر اراٹی اِرا کارندہ خلنگا۔
بلوچستان اسہ جنگ زدہ ءُ ہند ئسے اراڑے پاکستانی لشکر تینا کُل مشینری تے کارمرز کننگ آن پد ہم بے سہُبءِ۔
بلوچ سرمچار آتا وطن دوستی و راجی کردار اُلس ئنا اُست آتے تینا کرینے ارانا سوب آن اُلس ئنا بھلا کچ بلوچ سرمچار آتا مُختفی ئے کیک ہندا سوب آن ریاست تینا کُل طاقت ئے کارمرز کننگ آن پد بلوچ سرزمین آ بے سُہب و نامرادءِ۔
بلوچستان لبریشن فرنٹ دا جلہو نا ذمہ واری ئے ہرفک و دا قول دوارہ کیک کہ اُلس ئنا مُختفی آن بلوچ سرزمین ئے پاکستان نا وڑ انگا جابر ریاست آن آجو کرون۔
