کیچ : کولواہ ٹی نادرست سلاہ بند بندغ آک زوراک آ پاکستانی لشکر نا راشن و سامان تے دریر ۔
حوالکارنا رِد ئٹ استو سلاہ بند بندغ آک پاکستانی لشکر نا راشن و سامان تے ہمو وخت آ دننگا ارا وخت اوفک ہوشاب نا چوکی آن ہندی بندغ آتا لاری تا زی آ سکگ و بلور نا چوکی کن راشن دننگ اسُر ۔ سلاہ بند بندغ آک مراستان کولواہ ٹی زوراک آ لشکر نا راشن و سامان تے لاری تان دڑفیر ۔
یاتی مرے کہ زوراک آ پاکستانی لشکر تینا چوکی تہ سامان و راشن دننگ کن ہندی لاری تے کارمرز کننگءِ ۔ داکان مُست کیہی وار پاکستانی لشکر نا سامان آک دننگ مسونو۔
کولواہ ٹی 21 فروری دے ئنا دو بجہ نا وخت آ پاکستانی لشکر نا راشن دروک آ لاری تہ جلہو کرسہ راشن تے دننگا و ہندا وخت آ دشمن لشکر نا سرویلنس ڈرون کیمرہ سینہ بھُس کننگ نا ذمہ واری ئے بی ایل ایف ہرفیسس ۔ ولے دا جلہو نا ذمہ واری ئے دائسکان ہچ تنظیم ئس ہرفتنے ۔
