بلوچستان نا علاقے بولان ئٹ اینو ہفتمیکو دے پاکستانی لشکر نا لشکر کشی برجاء ءِ، لشکر ہن و بر نا کسر تے بند کرینے، کیہی بندغ آک علاقہ ٹی بند۔
پاکستانی لشکر اینو ہفتمیکو دے ہم بلوچستان نا علاقہ بولان و اوڑتون تفوک سبی و ہرنائی نا علاقہ غا تیات لشکر کشی کننگ ءِ۔ فوج جتا ہند آتیا عارضی کیمپ خلِسہ غٹ کسر تے بند کرینگ ہرا نا سوب آن کیہی بندغ آک گٹ ءُ۔
ہفت دے آن برجاء آپریشن نا سوب آن بندغ آتے کُننگ نا مڈی دوئی کننگ ئٹ ہڑاند مننگ ءِ۔
علاقائی حوال تا رد ئٹ سبی و ہرنائی نا کیہی ہند آتےون اوار بولان نا علاقہ غا تیٹ فوج ساڑی ءِ ہراڑے توپ خانہ غا تیٹ گولہ خسنگ برجای ءِ۔
ہندی بندغ آتا رد ئٹ پِر و برف آن گڈ ہندی بندغ آک دارو درمان تون اوار ایلو المی گڑا تیکن شار تیا ہِننگ کننگ افس۔
آپریشن نا وختا درو لشکر بولان تون تفوک علاقہ شابان ئٹ کیہئ چُنا نیاڑی تے دزگیر کننگا ہرا داسکان آجو متنو و بھاگیا سے اُرا ئے ہُشانو۔
سبی و بولان نا نیامی علاقہ ٹی فوج جنگل آتے ہم ہشانے۔
