بلوچستان نا ہند بولان نا ایب کھیب ئٹ پاکستانی لشکر نا ہن و بر ئٹی گیشی بسُنے ، ہندی تہ رد ئٹ لشکر نا بھلو کچ ئس خننگانے ۔
شابیتی حوال آ تا رد ئٹ بولان نا بھلا کسر آ بھاز لاری تہ پاکستانی لشکر نا قافلہ ئس خننگانے ، سبی آن پاکستانی لشکر ہندی تہ لاری تے تینا قوضہ ٹی کرینے ۔
حوالکار نا پاننگءِ کہ ہندا لس بندغ آتا لاری تے ہم پاکستانی لشکر تینا ہن و بر کن کارمرز کننگءِ ۔
ہند ئٹی بھلو کچ ئسیٹی لشکر کشی نا گُمانءِ ۔ ہنوکا دے تیٹ جتاء جتاء ہند آتا جاسوس جہاز آک ہم بال کرینو ۔
بولان نا ہند مچھ ئٹی 29 فروری نا شام بلوچ لبریشن آرمی اَسہ بھلو جلہو ئسیٹی پاکستانی لشکر نا ہیڈ کوارٹر تون اوار سرکاری تنصیبات آ تے اَسہ وخت جلہو کریسس۔
تنظیم مچھ شارئے اِرا دے اسکان تینا کنٹرول ئٹی کریسس ، دا جلہو ئے بی ایل اے ” آپریشن درہ بولان “ نا پن ئے تس ہراٹی 12 مجید برگیڈ نا فدائیک و اسہ فتح اسکواڈ نا سنگت ئس شہید مس ئس ۔
