بلوچستان نا ضلع قلعہ سیف اللہ نا مشی ہند آن شش جون خننگا ، بیران مروک آک ہندی بندغ ءُ ۔
قلعہ سیف اللہ ئٹی تُدینی سیٹی ہندی مش تیان شش بندغ نا جون خننگا ۔ پولیس و ہندی انتظامیہ جون آتے اَسہ پکنک نا ہند ئسیا خنا و اسپتال آ سر کرے ، خلنگوک آک قلعہ سیف اللہ نا ہندیءُ ۔
اولی حوال آ تا رد ئٹ تدینی قبائلی جیڑہ نا سوب آن مسُنے ۔
رسینگوکا جون آ تیان پنچ ئنا پجار عاصم خان ولد حاجی نور محمد راحتزئی مسلم باغ نا ہندی ،باز خان ولد عبدالسلام کاکڑ قلعہ سیف اللہ نا ہندی، رمضان ولد بختیار موسی خیل نا ہندی، کنئی ، عبدالستار ولد شبوزئی قلعہ سیف اللہ نا ہندی ئٹ مس ۔
قلعہ سیف اللہ و ایب کھیب کیہی سال آ تیان قبائلی جیڑہ و دشمنی نا گواچیءِ۔ داکان مُست ہم کیہی تدینی تیٹی کیہی بندغ آک تینا ساہ ئے تسُنو ۔ قلعہ سیف اللہ انتظامیہ نا رد ئٹ دا تدینی آن پد ہندی حالیت خرابی نا نیمہ ہننگءِ ۔
پولیس و انتظامیہ ہند ئٹی سیکورٹی ئے سخت کرینے ، تدینی نا رد ئٹ پٹ و پول آک برجاء ءُ ۔
