جیونی : گورلز اسکوال والا پولنگ اسٹیشن آ بمب جلہو کننگا ۔
حوال آتا ردئٹ ہمو نشانہ ٹک کننگا ہرا وخت کہ ریاستی انتخابات کن پولنگ برجاء اسک ۔
جیونی ماڈل اسکول نا پولنگ اسٹیشن آ بمب جلہو مس ۔
حوال آتا ردئٹ اینو سُہب ئنا پولنگ شروع مننگ آن مُست نا دُرست بندغ آک پولنگ اسٹیشن آ بمب جلہو کریر ۔
ہندُن گوادر جیونی ٹی اسہ پین پولنگ اسٹیشن ئسے آ جلہو مس ، پولنگ نا وخت آ بندر ہائی اسکول آ بھلو تراک ئس مس ۔
جیونی نا ہند گنز ہائی اسکول ئٹی ریاستی انتخابات نا پولنگ نا وخت آ اسہ پین اسٹیشن ئسے آ بھلو بمب تراک ئس مس ۔
داکان بیدس کیچ ئنا ہند بلیدہ کوشک اسکول آ بمب جلہو کریر ، جلہو ہمو وخت کننگا کہ پولنگ برجاء اسک ۔
بلیدہ بوائز ہائی اسکول سلو پولنگ اسٹیشن آ تراک مس ۔ تراک ہمو وخت کننگا کہ پولنگ برجاء اسک ، داسکان جانی نسخان رسینگ نا حوال بتنے ۔
تربت ماڈل ہائی اسکول والا پولنگ اسٹیشن آ بمب جلہو مس ، حوال آتا ردئٹ اینو سُہب ئنا 8 بجہ آ تربت شہر ئٹی ماڈل بوائز ہائی اسکول نا پولنگ اسٹیشن آ جلہو کننگا ۔
کیچ گومازی و اپسی کھن ئٹی پولنگ اسٹیشن آتا بمب جلہو، جلہو ئٹی بندغ آتا ٹپی مننگ نا حوالءِ۔
خاران: قلعہ اسکول نا پولنگ اسٹیشن و گرلز ہائی اسکول پولنگ اسٹیشن نا نیام آ تراک ئنا حوالءِ،ہراڑے گچینکاری نا عمل مننگ اسک۔
یاتی مرے کہ اینو 8 فروری آ بلوچستان ئٹی پاکستانی الیکشن تہ سلسلہ ٹی کُل ہنداتیٹی گچینکاری نا کاریم تے نشانہ کننگءُ۔
بھاز ہنداتیٹی انٹرنیٹ سروس بند مننگ نا سوب آن حوال آتا رسینگ آ مشکل مننگءِ۔
تربت نا ہند شیہانی بازار ئٹی گرلز ہائی اسکول ئے ہنوکا شام بمب جلہو ئٹی نشانہ کننگا ہراڑے گچینکاری نا عمل مروئی اسک۔
ہندُن اینو ہشت بجہ آ کھن مڈل اسکول، ہشت بجہ آ گومازی ہائی اسکول،ایلو تراک ہائی اسکول آ دہ بجہ آ،مُسٹمیکو تراک ہائی اسکول گومازی آ دہ ءُ نیم بجہ آ کننگا۔
اینو سُہب ئناسے تربت تون اوار بلوچستان ئٹی اڈ مروکا پولنگ اسٹیشنز آتا جلہوک برجاءُ۔ جیونی ٹی ہفت تراک،خاران ئٹی اسٹ ،تمپ ئٹی اسٹ تیوعہ کیچ ئٹی دا مسٹمیکو تراکءِ۔
