
بلوچ نیشنل موومنٹ نا بندغی حق آتا ادارہ پانک احوالکار نیاز احمد بلوچ نا بیگواہی آ فریشانی نا درشانی ءِ کرسہ پارینے کہ بلوچستان ئٹی زوراکی ئٹ بیگواہی تا لڑ برجاء ءِ۔ مستونگ نا ہند کلی کاریز نا ہندی سی سالی آ احوالکار نیاز احمد ءِ 12 نومبر 2026 آ نن ئنا دوانزدہ بجہ غا سی ٹی ڈی اونا اُراغان بیگواہ کرینے۔
پانک پارینے کہ داسکان اونا بارو ئٹ ہچو ڈس ئس رسینگتنے۔ اونا جان ئنا سلامتی کن باز خُلیس ودی مننگ ءِ۔ دا ویل بلوچستان ئٹی زوراکی ئٹ بیگواہی تا لڑ ئنا برجائی ءِ نشان ایتِک۔
پانک خواست کرینے کہ نیاز احمد زوت آجو کَننگ مرے، اونا بیگواہی نا بابت ئٹ پٹ و پول کننگ مرے و بلوچستان ئٹی زوراکی ئٹ بیگواہی تا لڑ ءِ ایسر کننگ مرے۔