کوئٹہ و تربت آن چار بندغ دزگیری آن پد بیگواہ

بلوچستان نا بنجاہی شار کوئٹہ و کیچ ئنا علاقہ تربت آن تعلقداری تخوک چار بندغ آتے اوفتا اُراتیان زوراکی ئٹ بیگواہ کننگانے۔

حوال تا رد ئٹ تربت نا علاقی آبسر ڈنے سر آن تعلقداری تخوکا 16 سالی آ ورنا راشد بلوچ ئے اونا اُراغان ملخدو شام ئنا یک بجہ غا دزگیر کننگ آن پد بیگواہ کننگانے۔ اونا خاہوت نا رد ئٹ دا ورنا بارڈر آ تیل ئنا کاریم کرینے۔

ایلو نیمہ غا کوئٹہ آن تعلقداری تخوکو مُسِہ بندغ نا خاہوت آک پارینو کہ ننا بندغ آتے اوفتا اُرا تیان بیگواہ کننگانے۔

خاہوت آتا رد ئٹ رودین احمد قمبرانی ولد اعجاز احمد قمبرانی ئے نن ئنا 02:00 بجہ 20 منٹ آ ، حافظ محمد احمد ولد حاجی مراد محمد قمبرانی ئے نن ئنا 02:00 بجہ غا و شاہد احمد قمبرانی ولد بابو خدا بخش قمبرانی ئے نن ئنا 02:30 بجہ غا کلی قمبرانی آن اوفتا اُرا تیان سی ٹی ڈی و ایم آئی نا کارندہ غاک دزگیر کننگ آن پد بیگواہ کرینو۔

خاہوت آتا رد ئٹ دا چار انگا بندغ آک داسکا بیگواہ ءُ، و اوفتا بارو ئٹ اوفتے ہچو سرپندی ئس تِننگ متنے۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

سبی ٹی ریل ئنا ٹریک ءِ تراک ئنا شورہ تیٹ بھُس کننگ نا ذمہ واری ءِ بی آر جی ہرفینے

منگل نومبر 17 , 2026
بلوچ ریپبلکن گارڈز نا ترجمان دوستین بلوچ میڈیا ٹی شنگ کروک بیان ئسیٹی پارینے کہ سرمچار آک سبی نا ہند بختیار آباد نا خُڑک ریل ئنا ٹریک ءِ شورہ نا تراک ئٹ بھُس کرینو۔ تراک ئٹی ریلوے ٹریک ءِ بھاز نسخان مسُنے۔ دوستین بلوچ دا جلہو نا ذمہ واری ءِ […]

دلگوش کرز

زرمبش براہوئی

زْرمبش کسر آجوئی نا

زرمبش براہوئی، زرمبش شکسار نا کنڈ آن براہوئی زبان ئٹ حوال شنگ کیک۔

آسان دزرس