کیچ ئنا ہند بلیدہ آن پاکستانی فوج چھاپہ خلِسا پنچ ورنا تے دزگیر کرسا بیگواہ کرینے۔
حوال تا رد ئٹ پنچ انگا ورناک بلیدہ نا ہند بٹ ئنا ہندی ءُ و اسٹ انگا خاہوت نا بندغ ءُ۔ درو ننکان فوج و ڈھکوک ادارہ تا کارندہ غاک دزگیر کرسا بیگواہ کرینے۔ ہرافتا چائنداری یونس خالق ولد عبدالخالق، محبوب بلوچ ولد عبدُل، مجاہد بلوچ ولد لالا حسن، عبدالرحیم ولد عبدالواحد و بالاچ خان ولد محمد نا پن ئٹ مسُنے۔ یونس و محبوب مزور ءُ و ایلو مُسٹ انگا ورناک خوانندہ ءُ۔
